EKSKLÜZİV! Dilə gələn MOİK-in kapitanı - hakimlikdən, maaşlardan və rəqiblərdən danışdı (MÜSAHİBƏ)

Azərbaycanın Birinci Divizionunda mübarizə aparan və çempionatının sonuna 9 tur qalmış, 14 komanda arasında 8-ci yerdə qərarlaşan MOİK-in kapitanı Orxan Həsənov Premyer.az saytının  suallarını cavablandırıb.
 
-         Növbəti turda "Şahdağ"la səfər qarşılaşması gözləyir sizi. Oyuna hazırlıq necə gedir?
-          Son iki oyundakı qələbələrdən sonra komandada abu-hava çox yaxşıdır. Hamı canla-başla məşq edir. Bu oyundan 3 xalla qayıdacağımıza inanırıq.
 
-         Qış fasiləsi zamanı heyətini xeyli gücləndirən "Şahdağ" qeyri-stabil oyun nümayiş etdirməsinə baxmayaraq, son oyunda güclü "Zaqatala" ilə heç-heçə etməyi bacarıb. Bu sizi qorxutmur ki?
-          Xeyir, belə bir qorxumuz yoxdur, amma bilir ki çətin oyun olacaq. Onsuzda bizə asan rəqib yoxdur. Amma bir şeyi də qeyd edim ki, biz rəqib komandaya baxmırıq, əsas bizim öz oyunumuzdur. Biz hər oyuna qələbə ruhu ilə çıxırıq.
 
-         Komandanın kapitanı sarğısını daşıyırsan. Üzərində məsuliyyət hiss edirsən mi?
-          Əlbətdə hiss edirəm. Uşaqlar da sağ olsun, mənə hörmət qoyurlar. Böyüklər də, kiçiklər də hörmətlə yanaşırlar mənə.
 
-         Bu mövsüm hakimliklə əlaqədar problemləriniz var mı? Komandanızın oyununda hansı hakimi görmək istəməzdiz?
-          Hakimliklə bağlı heç nə danışmaq istəmirəmm. Bu suala ancaq rəhbərlik cavab verə bilər. Bircə onu deyə bilərəm ki, akimlərdən ən çox bəyəndiyim Əliyar Ağayevdir.
 
-         Son zamanlar bir çox komandalar maliyyə probleri ilə üzləşir, bu da futbolçuların motivasiyasını azaldır. Sizin komandada belə bir problem var mı?
-          Xeyir, bizdə həqiqətən də maliyyə problem yoxdur. Maaşlarımızı vaxtlı-vaxtında alırıq. Pul barəsində heç bir problemimiz yoxdur.
 
Müsahibəni apardı: Rauf İskəndərov/ Premyer.az