Xocalı tədbirləri martın 1-ə kimi davam edəcək – Diaspor Komitəsi

Hər il olduğu kimi, bu il də Xocalı soyqırımının növbəti ildönümü ilə əlaqədar dünyanın bir sıra ölkələrində soyqırımı qurbanlarının xatirəsi anılır, qətliamın dünya ictimaiyyətinə tanıdılması istiqamətində müxtəlif tədbirlər keçirilir.

Bu barədə Diasporla İş Üzrə Dövlət Komitəsindən məlumat verilib.

Bu il Norveç, İsveç, Kanada, Niderland Krallığı, Qırğızıstan və dünyanın digər ölkələrində Xocalı soyqırımının qurbanları yad edilir.

Tədbirlər martın 1-nə qədər davam edəcək.

Xocalı qətliamının qurbanlarının xatirəsi nin yad edilməsi "Xocalıya Ədalət”, "Xocalıya biganə qalma” kimi çağırışlar təşkil edəcək.

Bundan başqa Xocalı soyqırımının ildönümünə həsr edilmiş müxtəlif formatlı anım mərasimləri keçiriləcək. 

Diaspor təşkilatlarından Dövlət Komitəsinə daxil olan məlumatlara görə, ümumilikdə 50-dən çox ölkədə, 100-lərlə şəhərdə 170-dən çox anım tədbirinin keçirilməsi planlaşdırılır.

Vüsalə Balayeva, Bizim.Media