Region Liqası, II Play Off mərhələsi: "FC Baku" - "Füzuli" oyununda qalib müəyyənləşmədi - FOTOLAR, VİDEO

Bu gün Region Liqasının II Play Off mərhələsinin ilk oyunları çərçivəsində "FC Baku" "ASK Arena"da "Füzuli" komandasını qəbul edib.

 

Premyer.az saytının oyuna ezam olunmuş müxbiri xəbər verir ki, stadiona toplaşmış azarkeşlər (o cümlədən 100-dən çox qonaq komandanın azarkeşi) 90 dəqiqə ərzində maraqlı və gərgin mübarizənin şahidi olublar. Bunu, hər hissəyə əlavə olunmuş dəqiqələrin sayı da bir daha sübut edir. Belə ki, baş hakim ilk hissəyə 7, ikinci hissəyə isə 5 dəqiqə əlavə edib. 

 

Əsasən ilk hissədə daha aktiv olan "Füzuli" komandasının futbolçuları, çox saylı hücumlarından birində qol vurmağa müvəffəq olublar. Qola, azarkeşlərə yaxşı tanış olan Cömərd Baxşəliyev imza atıb. İkinci hissədə təşəbbüsü ələ alan meydan sahibləri, çox çalışsalar da, yalnız bərabərlik qolunu vurmağa nail olublar. Bakılıların heyətində - kapitan Aleksandr Şemonayev fərqlənib. (Red: videonu izlə)

 

Beləliklə də, bu cütlüyün qalibi, bir həftə sonra Füzulidə keçiriləcək cavab qarşılaşmasında müəyyən olunacaq.

 

 

[video=]