YOXLAMA OYUNU: "FC Baku" bu dəfə Premyer Liqa təmsilçisini sınağa çəkdi - FOTOLAR, VİDEO

Regin Liqasının II Play Off mərhəlinin "Füzuli" komandası ilə ev oyununa hazırlaşan "FC Baku" komandası, çempionatda yaranmış fasilədən istifadə edərək, ikinci yoxlama oyunu keçirib. Bu dəfə rəqib Premyer Liqanın "Sabah" komandası olub.

 

Premyer.az xəbər verir ki, "Əlincə Arena"da keçirilmiş yoldaşlıq oyunu 1:1 hesablı heç-heçə ilə başa çatıb. Hər iki qol penalti zərbəsindən vurulub. Meydan sahiblərinin heyətində Rəşad Eyyubov, qonaq komandada isə Eltun Hüseynov fərqləniblər. 

 

Yoxlama oyunu olmasına baxmayaraq, stadiona toplaşan azarkeşlər maraqlı mübarizənin şahidi olublar. Oyunun baş hakimi, gərgin keçən qarşılaşmada futbolçulara bir sıra sarı və qırmızı vərəqə da göstərib. 

 

Qeyd edək ki, II Play Off mərhələsinin ilk oyunları martın 30 və 31 tarixlərində keçiriləcək.

 

[video=]