Region Liqası: Rusiyada legioner həyatı yaşamış futbolçu "Füzuli" komandasından ayrıldı - FOTOLAR, VİDEO

Region Liqasının I Play Off mərhələsinə vəsiqə qazanmış "Füzuli" komandası, qrup mərhələsinin oyunları bitdikdən sonra bir futbolçusu ilə yollarını ayırıb. Premyer.az xəbər verir ki, bu müdafiəçi Mehman İbadovdur.

 

Rusiyada legioner həyatı yaşamış 23 yaşlı futbolçu, bu ölkənin "Motor Akademiya", "Turkuaz" və "Ulitsa Stroitelnaya" komandalarının şərəfini qoruyub. 

Azərbaycana qayıtdıqdan sonra "Xəzər" komandasında top qovmağa başlayan Mehman, bu komandanın heyətində Birinci Divizionun qalibi adını da qazanıb. "Xəzər"dən ayrıldıqdan sonra futbolçu "Ümid Masallı" komandasının heyətində Region Liqasında debüt edib.

Qeyd edək ki, 183 sm boya malik olan gənc futbolçu hal-hazırda yeni klub axtarışındadır.