Füqan Əliyev fəxri kürsünün ən yüksək pilləsində

Xırdalan şəhərindəki AAAF Park Yaşayış Kompleksinin yarış zalında yaşı 20 və 23-ə qədər olan gənclər arasında ağır atletika üzrə Azərbaycan birinciliyində ikinci yarış gününə start verilib. Premyer.az xəbər verir ki, turnirdə ölkənin bütün regionlarından klub və cəmiyyətləri təmsil edən yüzdən çox atlet iştirak edir.
Bu gün ilk olaraq çəkisi 69 kq-a qədər olan atletlər qalibi müəyyən ediblər. Qızıl medala toplam 238 kq (103+135) nəticə ilə Füqan Əliyev sahib çıxıb. Gümüş medala 233 kq (102+131) nəticə ilə İsmayıl Baxışov, bürüncə isə 200 kq (90+110) nəticə ilə Rafail İsayev layiq görülüb.
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.