» » » Ölkə Prezidenti Ramil Quliyevi təbrik etdi! (MƏTN)

Ölkə Prezidenti Ramil Quliyevi təbrik etdi! (MƏTN)

Ölkə Prezidenti Ramil Quliyevi təbrik etdi! (MƏTN)Azərbaycan Respublikasının Prezidenti İlham Əliyev, dünən Londonda keçirilən yüngül atletika üzrə dünya çempionatında 200 metr məsafəyə qaçışda möhtəşəm qələbə qazanan azərbaycanlı idmançı Ramil Quliyevi təbrik edib. Premyer.az Prezidentin təbrik mesajını diqqətinizə çatdırır:
 
 
 
 
 
 
Yüngül atletika üzrə dünya çempionu Ramil Quliyevə

Əziz Ramil. 
 
İlk növbədə səni yüngül atletika üzrə dünya çempionu adını qazanmağın münasibətilə səmimi qəlbdən təbrik edirəm.
Qeyd etmək istərdim ki, tarixdə ilk dəfə olaraq azərbaycanlı idmançı yüngül atletika üzrə dünya çempionu olub. Xüsusilə sevindirici haldır ki, sən qələbədən sonra Azərbaycan və Türkiyə bayraqlarını qaldırdın. Bu, onu göstərir ki, sən öz xalqına bağlı, vətənpərvər insansan.
Sən bu gün Türkiyəni təmsil edirsən. Ancaq idmanda ilk addımlarını Azərbaycanda atmısan.
Bu qələbə münasibətilə Türkiyəni də təbrik edirəm. Sənin qələbən, eyni zamanda, Azərbaycan-Türkiyə dostluğu və qardaşlığının növbəti təzahürüdür. Biz Azərbaycanda səninlə fəxr edirik.
Sənə idmanda yeni qələbələr arzulayıram.
 
İlham Əliyev
Azərbaycan Respublikasının Prezidenti

179