» » » Dünya çempionatı öncəsi boks yığmamızda ciddi itki

Dünya çempionatı öncəsi boks yığmamızda ciddi itki

Dünya çempionatı öncəsi boks yığmamızda ciddi itkiKişi boksçulardan ibarət Azərbaycan yığması dünya çempionatına hazırlığı davam etdirir. Premyer.az xəbər verir ki, Leonid Loivskinin başçılıq etdiyi komanda təlim-məşq toplanışının ikinci hissəsini dünən başa vurub. Bugün hazırlığın son mərhələsinə start veriləcək.
Yığmamız məşqlərini əvvəlki 2 mərhələdə olduğu kimi Boks Mərkəzində keçəcək. Texniki-taktiki hazırlıqda mundiala qatılacaq Lorenzo Sotomayor (64 kq), Pərviz Bağırov (69 kq), Kamran Şahsuvarlı (75 kq) və Məhəmmədrəsul Məcidov (+91 kq) iştirak edəcəklər.
Dünya çempionatına lisenziya qazanan Abdulqadir Abdullayev (91 kq) isə toplanışdan kənar qalıb. Buna səbəb onun hazırlıqda zədələnməsidir. Abdullayevin müalicəsinə başlanılıb. Lakin onun zədə səbəbindən dünya çempionatına yollanması sual altına düşüb.
Üçüncü mərhələ başa çatdıqdan sonra yığmamız dünya çempionatının keçiriləcəyi Almaniyanın Hamburq şəhərinə yollanacaq.
Qeyd edək ki, avqustun 25-də start götürəcək mundial sentyabrın 3-də başa çatacaq.
171     
Reklam

Reklam