» » » Güləşçilərimiz Rustavidən 2 qızıl, 2 gümüş və 4 bürünc medalla qayıdıb

Güləşçilərimiz Rustavidən 2 qızıl, 2 gümüş və 4 bürünc medalla qayıdıb

Gürcüstanın Rustavi şəhərində Dünya çempionu Temo Kazaraşvilinin şərəfinə yeniyetmə yunan-Roma güləşçiləri arasında beynəlxalq turnir keçirilib. Premyer.az xəbər verir ki, turnirdə Azərbaycan güləşçiləri yanaşı, Gürcüstan, İran, Rusiya, Ermənistan, Qazaxstan komandaları mübarizə aparıb.

Yeniyetmələrdən ibarət yığma komandamız ümumilikdə 2 qızıl, 2 gümüş və 4 bürünc medal qazanıb. 

Qızıl medalları yığmamıza Zaur Əliyev (42 kq) və Fail İsgəndərov (46 kq) qazandırıb. Zaur finalda komanda yoldaşı Azər Muxtarlıdan üstün olsa da, Fail gürcü idmançını xalçadan məğlub yola salıb. 54 kq-da mübarizə aparan Elnur Musayev yığmamıza növbəti gümüş medalı qazandırıb. Həlledici görüşdə Rusiya idmançısına məğlub olub. 

Bürünc medalları isə, Araz Şükürzadə (42 kq), Mirsirac Həsənli (46 kq), Həsən Məmmədli (58 kq) və Nəsir Maşanov (76 kq) qazandırıb. 

Komanda hesabında Azərbaycan güləşçiləri ikinci sırada qərarlaşıb. İlk sıranı Gürcüstan, üçüncü yeri isə İran pəhləvanları tutub. 

Görüşlərin idarə edilməsində beynəlxalq dərəcəli hakim Tural Əliyev ölkəmizi təmsil edib.
351     
Reklam

Reklam