» » » Rio-2016-da uğur qazanacaq idmançılarımız nə qədər mükafat alacaq?

Rio-2016-da uğur qazanacaq idmançılarımız nə qədər mükafat alacaq?

Rio-2016-da uğur qazanacaq idmançılarımız nə qədər mükafat alacaq?Rio-2016 Yay Olimpiya oyunlarında uğur əldə edəcək olimpiyaçılarımıza veriləcək mükafatların məbləği açıqlanıb. Premyer.az Azərbaycan Respublikasının Prezidentinin sərəncamını diqqətinizə çatdırır:
 
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasının idmançılarını və onların məşqçilərini Braziliyanın Rio-de-Janeyro şəhərində keçirilən XXXI Yay Olimpiya Oyunlarında ən yüksək nəticələr göstərməyə həvəsləndirmək məqsədi ilə qərara alıram:
 
 
1. XXXI Yay Olimpiya Oyunlarında ən yüksək nəticələrə görə Azərbaycan Respublikasının idmançıları və onların məşqçiləri üçün mükafatların məbləği aşağıdakı qaydada müəyyən edilsin:
1.1. birinci yeri tutan hər bir idmançıya 400 min manat, onun məşqçisinə 200 min manat;
1.2. ikinci yeri tutan hər bir idmançıya 200 min manat, onun məşqçisinə 100 min manat;
1.3. üçüncü yeri tutan hər bir idmançıya 100 min manat, onun məşqçisinə 50 min manat.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
 
İlham Əliyev
Azərbaycan Respublikasının Prezidenti
Bakı şəhəri, 18 iyul 2016-cı il.

849     
Reklam

Reklam