» » » Rafael Ağayev Avropa çempionatının finalında!

Rafael Ağayev Avropa çempionatının finalında!

12 qat Avropa və 4 dəfə dünya çempionu Rafael Ağayev növbəti dəfə qitə çempionatının finalına çıxıb.
 
Premyer.az xəbər verir ki, Andorra (5:0), Avstriya (4:0), Macarıstan (1:0) və Fransa (6:0) idmançılarını bir xal vermədən məğlub edən R. Ağayev mayın 7-də finalda türkiyəli idmançı Ərman Əltəmurla qarşılşacaq. Həmin gün milli komandamızın üzvlərindən Niyazi Əliyev (-67 kq), İrina Zaretska (-68 kq) və Roman Heydərov (kata) bürünc medal qazanmaq üçün tatmidə həlledici görüşə çıxacaqlar.       Bu gün Avropa çempionatının komanda yarışları başlanıb. Niyazi Əliyev, Rafael Ağayev, Ayxan Mamayev, Şahin Atamov, Asiman Qurbanlı, Əli Cəfərov ilə Orxan Heydərlidən ibarət milli komandamızın ilk rəqibi karateçilərimizin ilk rəqibi Portuqaliya və Rusiya görüşünün qalibi olacaq. Nuranə Əliyeva, İlahə Qasımova, Fəridə Abiyeva və İrina Zaretskadan ibarət qadın komandamız isə əvvəlcə Portuqaliya karateçiləri ilə görüşəcək. Medallar uğrunda həlledici döyüşlər 8 mayda keçiriləcək. 
Avropa çempionatının finalları, bürünc medal döyüşləri və mükafatlandırılma mərasimi federasiyanın saytı vasitəsilə canlı yayımlanacaq.

1335     
Reklam

Reklam