» » » Fəxrimiz Mariya Stadnik dünya çempionatının finalında! Final nə vaxtdır?

Fəxrimiz Mariya Stadnik dünya çempionatının finalında! Final nə vaxtdır?

Qazaxıstanın paytaxtı Nur-Sultanda güləş üzrə dünya çempionatı davam edir.

Dördüncü yarış günündə qadın güləşi üzrə 50, 53, 55 və 72 kq-da mübarizəyə start verilib.

Mariya Stadnik təsnifat mərhələsində Nigeriya güləşçisinə ilk hissədə qalib gəlib. Yığmamızın lideri növbəti görüşdə Hindistan təmsilçisindən güclü olub. 1/4 finalda Rusiya idmançısına göz açmağa imkan verməyən Stadnik ilk hissədə qələbəni təmin edərək adını yarımfinala yazdırmaqla yanaşı, Olimpiadaya lisenziya qazanan ilk güləşçimiz olub. Yarımfinalda çinli rəqibiylə gərgin keçən mübarizədən də qalib ayrılan Mariya 5-ci dəfə dünya çempionatının finalına yüksəlib.
 
Premyer.az xəbər verir ki, final oyunları sabah saat 16:00-dan etibarən İTV kanalından Canlı yayımlanacaq.

Türkan Nəsirova debütdə almaniyalı rəqibinə məğlub olub.

Qeyd edək ki, final qarşılaşmaları sentyabrın 18-də Bakı vaxtı ilə saat 16:00-də başlayacaq və İTV vasitəsilə canlı yayımlanacaq.

50 kq
Təsnifat - Mariya Stadnik - Miessiney Mersi Genesis (NGR) 10:0
1/8 final - Mariya Stadnik - Sima Sima (İND) 9:2
1/4 final - Mariya Stadnik - Yekaterina Poleşçuk (RUS) 11:0
1/2 final - Mariya Stadnik - Yanan Sun (CHN) 6:4
FİNAL - Mariya Stadnik - Emiliya Alina Vuk (ROU)

53 kq
Təsnifat - Türkan Nəsirova - Nina Hemmer (GER) 0:11
154     
Reklam

Reklam