» » » SON DƏQİQƏ! REGİON LİQASI: Qaxda baş verən kütləvi davanın VİDEO-su və TƏFƏRRÜATLARI

SON DƏQİQƏ! REGİON LİQASI: Qaxda baş verən kütləvi davanın VİDEO-su və TƏFƏRRÜATLARI

Daha öncə də xəbər verdiyimiz kimi, Region Liqasının III turu çərçivəsində bu gün keçirilmiş "Kürmük" 0-0 "Şəki" qarşılaşması zamanı kütləvi dava baş verib. Nəticədə 3 futbolçu qırmızı vərəqə alaraq, meydandan qovulub, onlardan biri isə, aldığı xəsarətlər nəticəsində xəstəxanaya yerləşdirilib. 
 
İnsident haqqında daha ətraflı məlumat almaq üçün, hər iki komandanın Facebookdakı rəsmi səhifələrinə müraciət etdik. "Kürmük" komandasından sualımızı cavablandırmasalar da, "Şəki" komandası Premyer.az saytına aşağıdakı açıqlamanı verib:
 
- "Oyunun gedişatı zamanı "Kürmük" komandasının kapitanı 34 yaşlı Ramin Hacıyev dəfələrlə söyüş söyərək, aranı gərginləşdirib. Şəxsinə qarşı da yönəldilən söyüşlərə dözməyən "Şəki" komandasının 8 nömrəli futbolçusu Nəriman İmayətov Ramini vurub. Bundan sonra oyunçular arasında dava düşüb. Bu vaxt şəkililərin 4 No-si Süleyman Məmmədov futbolçuları ayırmağa çalışıb. Nəticədə 3 futbolçu hakim tərəfindən qırmızı vərəqə ilə cəzalandırılaraq, meydandan qovulub. Bunlar - "Kürmük" komandasının kapitanı Ramin Hacıyev və "Şəki" komandasının futbolçuları - Süleyman Məmmədov və Nəriman İmayətov olub.
 
Oyunun final fiti səsləndikdən dərhal sonra meydan sahiblərinin azarkeşləri meydana daxil olaraq, kütləvi davaya səbən olublar. Nəticədə qonaq komandanın bütün futbolçuları və bəzi azarkeşləri fiziki hücümlara məruz qalaraq, döyülüb. Demək olar ki, "Şəki" komandasının bütün futbolçuları xəsarət alıb. Bunlardan biri - Süleyman Məmmədov müxtəlif bədən xəsarətləri alaraq, xəstəxanaya çatdırılıb. Xəstəxanada tibbi yardım göstərilən daha bir nəfər isə, "Şəki" komandasının azarkeşi olub.
 
Dava nəticəsində "Şəki" komandasının kapitanı da bel nahiyəsindən zədə alıb və ev şəraitində müalicə olunur. 
 
Kütləvi dava ilə əlaqədar Premyer.az saytı VİDEO da əldə edib. Aşağıda videonu oxucularımızın diqqətinə çatdırırıq.
 
Rauf İskəndərov / Premyer.az



 
 
787     
Reklam

Reklam