» » » Çempionlar Liqasının final biletləri satışa çıxarılacaq

Çempionlar Liqasının final biletləri satışa çıxarılacaq

Çempionlar Liqasının final biletləri satışa çıxarılacaqUEFA Çempionlar Liqasının 2017-2018-ci il mövsümünün Ukraynanın paytaxtı Kiyevdə keçiriləcək final oyununun biletləri gələn ilin fevralından satışa çıxarılacaq.
Bu barədə AZƏRTAC-a məxsusi olaraq Ukrayna Futbol Federasiyasından məlumat verilib.
Biletlərin bir hissəsi UEFA-nın saytı vasitəsilə satışa çıxarılacaq. Azarkeşlər biletləri onlayn əldə edə biləcəklər. UEFA biletlərin qalan hissəsini milli futbol assosiasiyalarına, tərəfdaş kommersiya şirkətlərinə göndərəcək.
Federasiyadan bildiriblər ki, biletlərin qiymətləri kateqoriyalara görə müəyyənləşəcək.
UEFA Çempionlar Liqasının final matçının keçiriləcəyi Olimpiya stadionunun dekabrdan əsaslı təmirinə başlanılacaq. Təmir işlərinin aprelin sonunadək başa çatdırılması nəzərdə tutulub. Stadionun əsaslı təmirinə 103 milyon qriven (3 milyon 850 min dollar) məbləğində vəsait ayrılıb.
Qeyd edək ki, UEFA Çempionlar Liqasının 2017-2018-ci il mövsümünün final qarşılaşması gələn il mayın sonunda Kiyevdə oynanılacaq.
 
AZƏRTAC
409     
Reklam

Reklam