» » » Dino Nidlovu: "Bu transfer mənim üçün irəli atılmış addımdır"

Dino Nidlovu: "Bu transfer mənim üçün irəli atılmış addımdır"

2016-2017-ci illər mövsümü üçün nəzərdə tutulan transfer pəncərəsi bağlanmamış "Qarabağ" gözlənilən transferi reallaşdırıb. Premyer.az bildirir ki, hücum mövqeyinə transfer etməyi planlaşdıran klub uzun müddətdir davam edən prosesi uğurla tamamlayıb. "Qarabağ" Cənubi Afrika millisinin üzvü olan, ötən mövsüm Cənubi Kipr çempionatında "Anartosis"in heyətində 16 qolla yarışın ən məhsuldar 2-ci futbolçusu olmuş Dino Nidlovunun keçidini rəsmiləşdirib. 26 yaşlı forvard karyerası ərzində ölkəsindən başqa İsrail çempionatında da top qovub. Son mövsüm "Anartosis"in heyətində ulduzu parlayan forvard bombardirliyi ilə yadda qalıb. Afrikalı hücumçu ilə 2 illik müqavilə imzalanıb.
 
Dino klubun saytına verdiyi açıqlamada "Qarabağ"a keçidi haqda danışıb:
"Qarabağ"a gəlməmişdən əvvəl də bu komanda haqda məlumatım var idi. Ona görə də, təklif gələndə elə də götür-qoy etməyə ehtiyac olmadı. Bura gəlməyim karyeramda yeni səhifədir. Çalışacam, "Qarabağ"da öz oyunumla komandaya fayda verim. Bu transfer mənim üçün irəli atılmış addımdır".

Dino Nidlovu: "Bu transfer mənim üçün irəli atılmış addımdır"
Dino Nidlovu: "Bu transfer mənim üçün irəli atılmış addımdır"
Dino Nidlovu: "Bu transfer mənim üçün irəli atılmış addımdır"
Dino Nidlovu: "Bu transfer mənim üçün irəli atılmış addımdır"
499     
Reklam

Reklam