Allah, ordan bir daş göndər!

2014/15 mövsümündə "Bakı"nın heyətində Azərbaycan çempionatının bombardiri olmuş Nurlan Novruzov karyerasını Türkiyədə davam etdirəcək. "Qalatasaray”da oynayacaq? Yuxuda görərsiz! "Beşiktaş”da? Ağlınızın ucundan belə keçirməyin! Bəlkə "Fənərbaxça”? Ya da cəhənnəm, "Rizəspor”da? Qulağınızın dibini görərsiz!
Bəs harda?
Həvəskar liqada! Bəli, bəli, "Dərsim 62 Spor" adlı həvəskar komandada. Adını eşitmişdiz bu komandanın? Bəlkə, AFFA-nın baş katibi Elxan Məmmədov, ya da PFL prezidenti Ramin Musayev bu adda komandanı tanıyıb indiyə kimi?
Azərbaycan millisinə dəvət almış, Azərbaycan çempionatının bombardiri olmuş 25 yaşlı hücumçu həvəskar komandada... Allah, ordan bir daş göndər - Azərbaycan futbolunun başına!
(Kürşad / Komanda.az)

---

Geri