» » Filip Ozobiç: "Qəbələ" böyük klub olsa da, "Qarabağ" daha yüksək səviyyədədir"

Filip Ozobiç: "Qəbələ" böyük klub olsa da, "Qarabağ" daha yüksək səviyyədədir"

"Qarabağ”ın xorvatiyalı futbolçusu Filip Ozobiç ölkəsinin mətbuatına müsahibə verib. 

- Öncə Avropa Liqasının pley-off mərhələsinin cavab oyunları çərçivəsində "Şerif"in qapısına vurduğunuz möhtəşəm qolu şərh etməyinizi istərdik.

- Rəqibin futbolçusu Antun Paliçi keçdim və dərhal sanki atəş açmaq istədim. Lakin qol olduğunu əvvəlcə görmədim. Çünki zərbə elə getmişdi ki, bunu qarışdırdım. Hesab arasındakı fərqi bir qədər də artırdıq. Rəqib yaxşı kollektiv idi. Ancaq hər iki qarşılaşmaya görə qrup mərhələsinə biz layiq idik.

- İki il öncə "Qəbələ"nin heyətində Fransa "Lill"ini məğlub etmişdiniz.

- Ümid edirəm ki, bu, sonuncu olmayacaq. Azərbaycan çempionatında da yaxşı işlər görməyə davam etməyə çalışacam. "Qəbələ"nin Avropa arenasında uğur qazanması pis olmazdı.

- "Qarabağ"ı seçməyinizin səbəbi nə idi?

- Çünki bu komanda ardıcıl 5 dəfə çempion oldu. "Qəbələ" böyük klub olsa da, "Qarabağ" daha yüksək səviyyədədir. "Qəbələ"də hər şey yüksək səviyyədə həll olunur. Burada oyunçuların heç bir problemi yox idi. "Qəbələ"də müqaviləyə görə qalmışdım. Onlar da qalmağımı, yeni müqavilə imzalamağımı istəyirdilər. Lakin daha yaxşı şərtlər məni "Qarabağ"a keçməyə məcbur etdi.

- Çindən təklif almışdınız?

- Əlbəttə, onlar iki dəfə mənə görə agentimə müraciət etmişdilər.

- "Qəbələ"ni əzəli rəqib "Qarabağ"a dəyişmisən. İndi "Qəbələ"nin stadionuna rahat gedə bilərsinizmi?

- "Qəbələ" azarkeşləri mənim getməyimi istəmirdilər, onlar çox kədərləndilər. Lakin bu, peşəkar və normal addımdır. Hesab edirəm ki, bunu bacararam. Amma hələ ki, "Qəbələ" ilə səfər oyunumuz olmayıb. Onlar hər zaman karyeramda mənim üçün ən yaxşısını istədilər.

- Bakıda məskunalaşan "Qarabağ”ın, yoxsa Qəbələdə oynayan "Qəbələ”nin tərəfdarları çoxdur?

- Bu mövzuya müsbət yanaşıram. "Qarabağ”ın daha çox azarkeşi var və onlar ön plandadırlar.

- Bəlkə Çinə və Xorvatiyaya üz tutsaydınız, millidə çıxış etmək şansınız olardı. İndi millidən dəvət gözləyirsiniz?

- Mən "Qarabağ"ın Azərbaycanda necə dəyərli olduğunu bilirəm və bu komandanın təklifini dərhal qəbul etdim. Klubda hər şey yüksək səviyyədədir. Mən iddialıyam və "Qarabağ" yüksək səviyyəli klubdur. Xorvatiyada isə şərtlər çox pisdir. İnanıram ki, "Qarabağ"da yeni uğurlar qazanacağıq.

- Qrup mərhələsi haqqında nə düşünürsünüz?

- Çətin qrupda yer almışıq. "Arsenal" və "Sportinq" Çempionlar Liqası komandalarıdır. "Vorskla" isə onlara nisbətdə zəifdir. Qrupdan çıxmaq istəyirik. Əlimizdən gələnin ən yaxşısını etməyə çalışacağıq.

55     
Reklam

Reklam